შსს-მ მართვის მოწმობიდან ქულების ჩამოკლებაზე 996 ოქმი უკვე დაწერა. როგორც „ინტერპრესნიუსს“ შსს-ში განუცხადეს, თბილისში და რეგიონებში 1-ელი ივლისის ღამის 12 საათიდან დღის 3 საათამდე დაიწერა სულ 1586 ოქმი, აქედან ქულებიანი 996.

1-ელი ივლისიდან, მართვის მოწმობას ქულები საგზაო მოძრაობის 50-ზე მეტი წესის დარღვევის შემთხვევაში ჩამოაკლდება. თითოეული ადმინისტრაციული სამართალდარღვევა მართვის მოწმობისთის მინიჭებული 100 ქულიდან სამართალდარღვევის ტოლფასი ქულის გამოკლებას გამოიწვევს.