ბოლო ინფორმაციით, თელავის საგამოცდო ცენტრში ორი აბიტურიენტი არ შეუშვეს, რის მიზეზიც გამოცდაზე ნახევარი საათით დაგვიანება გახდა.

ეროვნული გამოცდების კოორდინატორის ნუნუ ასათაშვილის განცხადებით, პროცესი მთელი დღის განმავლობაში მშვიდ გარემოში მიმდინარეობს და პრობლემები არ ფიქსირდება.

ასათაშვილის ინფორმაციით, კახეთის რეგიონის მასშტაბით დღეს პირველ და მეორე ეტაპზე 700-მდე აბიტურიენტი გამოცხადდა.

აბიტურიენტები გამოცდებს დღეს ქართულ ენასა და ლიტერატურაში აბარებენ.