ბორჯომის ხეობაში ღია ცეცხლის კერა კვლავ შეინიშნებოდა, თუმცა ამ ეტაპზე ლოკალიზება გვაქვს, - ამის შესახებ შს მინისტრმა გიორგი მღებრიშვილმა კახეთში, საგანგებო შტაბში ჟურნალისტებთან საუბრისას განაცხადა.

როგორც მინისტრმა აღნიშნა, ცეცხლი ნახანძრალ ტერიტორიაზე იყო, თუმცა სახანძრო სამსახურმა ოპერატიულად იმუშავა.

”ბორჯომი-წაღვერის მიმართულებით მეშვიდე კილომეტრზე ნამდვილად გაჩნდა ხანძარი. ეს არის ნახანძრალი ტერიტორია და დღეს იქ ღია ცეცხლი შეინიშნებოდა. მიუხედავად ამისა, ამ ეტაპზე ლოკალიზება გვაქვს. სახანძრო სამსახურმა ოპერატიულად იმუშავა”, - განაცხადა მღებრიშვილმა.