ლატვიაში სამოქალაქო ვერტმფრენის ჩამოვარდნის შედეგად ერთი ადამიანი დაიღუპა, სამი კი მძიმედ დაშავდა. ამის შესახებ „დელფი“ იუწყება.

ექიმების განცხადებით, ორი ადამიანი მძიმე მდგომარეობაშია. ისინი უგონოდ არიან.

გარდაცვლილი ვერტმფრენის პილოტია. ადგილზე ოპერატიული სამსახურები მუშაობენ.

თვითმხილველთა განცხადებით, კატასტროფა ვერტმფრენის აფრენისას მოხდა. მისი კორპუსი ძლიერად დაზიანდა. ვერტმფრენი ლატვიურ კომპანია Baltic Helicopters-ს ეკუთვნოდა.