ქუთაისის აკაკი წერთლის სახელმწიფო უნივერსიტეტში, დღეს საგანგებო სიტუაციების მართვის სააგენტოსთან ერთად, მიწისძვრის ევაკუაციის სიმულაცია ჩატარდა. აღნიშნული სიმულაცია საქართველოს შინაგან საქმეთა სამინისტროს თანამშრომლების ჩართულობითა და ტექნიკური მხარდაჭერით გაიმართა. ღონისძიების ფარგლებში უნივერსიტეტის სრული ევაკუაცია განხორციელდა.

პროგრამის მთავარი მიზანია: კატასტროფის რისკის შემცირების თემატიკის აქტუალიზაცია და ინსტიტუციონალიზაცია საგანმანათლებლო სექტორში, სასწავლო კურსის დანერგვა სამიზნე უნივერსიტეტებში, ასევე, შეზღუდული შესაძლებლობის მქონე პირთა საკითხებზე მომუშავე ორგანიზაციების შესაძლებლობების ამაღლება და მათი აქტიური მონაწილების უზრუნველყოფა კატასტროფების რისკის შემცირების საკითხებში.