სოზარ სუბარის განცხადებით, სასტუმრო ”ლეოგრანდში” მომხდარზე გამოძიება ინტენსიურად მიმდინარეობს და დამნაშავეები აუცილებლად დაისჯებიან

ბათუმში, ღვთისმშობლის შობის სახელობის საკათედრო ტაძარში ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი იმყოფებოდა, სადაც სასტურმო „ლეოგრანდში“ დაღუპულთა ოჯახებს მიუსამძიმრა.

მინისტრის თქმით, ფაქტთან დაკავშირებით გამოძიება ინტენსიურად მიმდინარეობს და დამნაშავეები აუცილებლად დაისჯებიან. სოზარ სუბარმა სასტუმროს თანამშრომლებს, მეხანძრე-მაშველებსა და რიგით მოქალაქეებს მადლობა გადაუხადა, რომლებმაც ტრაგედიის ღამეს სასტუმროში მოქალაქეების სიცოცხლე გადაარჩინეს.

„ეს თითოეული ჩვენგანის ტრაგედია. მძიმე ამბავია. გამოძიება მიმდინარეობს და დაადგენს ვისი დანაშაული იყო და შესაბამისი პასუხისმგებლობა დადგება. ამავე დროს, განსაკუთრებულ მადლობას ვუხდი ყველა იმ ადამიანს, რომლებმაც უამრავი ჩვენი თანამოქალაქის სიცოცხლე გადაარჩინეს. ესენი იყვნენ მაშველები, სასტუმროს თანამშრომლები თუ უბრალოდ რიგითი მოქალაქეები“, - განაცხადა სუბარმა.