უკრაინის საელჩოსთან „ნაციონალური მოძრაობის“ აქცია დასრულდა. პარტიის ლიდერები „ნაციონალური მოძრაობის“ ცენტრალურ ოფისში შეიკრიბებიან, სადაც უკრაინული სასამართლოს გადაწყვეტილების შემდეგ განცხადებას გააკეთებენ.

როგორც პარტიის ლიდერები ჟურნალისტებთან საუბრისას აცხადებენ, მიხეილ სააკაშვილთან მიმართებაში ყველანაირი სცენარის განვითარებისთვის მზად არიან. კონკრეტულად, თუ რას მოიმოქმედებენ ისინი, კიევში მიმდინარე სასამართლოს გადაწყვეტილების შემდეგ გაახმოვანებენ.

თბილისში, უკრაინის საელჩოსთან, „ნაციონალური მოძრაობის“ ლიდერები და მხარდამჭერები იყვნენ შეკრებილები. ისინი სპეციალურად დამონტაჟებული მონიტორის მეშვეობით აკვირდებოდნენ უკრაინაში მიხეილ სააკაშვილის სასამართლო პროცესს.