კიევის პეჩერსკის რაიონული სასამართლოს მოსამართლე ლარისა ცოკოლი სააკაშვილისთვის აღკვეთის ღონისძიების საკითხზე გადაწყვეტილების მისაღებად სათათბირო ოთახში გავიდა.

პროკურატურა სააკაშვილისთვის ორთვიან შინაპატიმრობას ითხოვს. ადვოკატები კი მოითხოვენ, სააკაშვილის მიმართ არანაირ აღკვეთის ღონისძიება არ ამოქმედდეს.

მიხეილ სააკაშვილი დაკავებულია უკრაინის სისხლის სამართლის კოდექსის 256-ე მუხლით წარმოებაში არსებულ საქმეზე. აღნიშნული მუხლი ეხება დანაშაულებრივი ჯგუფისთვის დახმარების გაწევას და მათი დანაშაულებრივი საქმიანობის დაფარვას და სამიდან ხუთ წლამდე თავისუფლების აღკვეთას ითვალისწინებს.