რიკარდ იოზვიაკი - ევროკავშირის წევრი ქვეყნების ლიდერებმა რუსეთის წინააღმდეგ შემოღებული სანქციების მოქმედება კიდევ 6 თვით გაახანგრძლივეს

ევროკავშირის წევრი ქვეყნების ლიდერებმა რუსეთის წინააღმდეგ შემოღებული ეკონომიკური სანქციების მოქმედება კიდევ 6 თვით გაახანგრძლივეს, - ამის შესახებ „ტვიტერის“ საკუთარ მიკრობლოგში „რადიო თავისუფლების“ ბრიუსელის ბიუროს კორესპონდენტი რიკარდ იოზვიაკი წერს.

„ევროკავშირის ლიდერებმა რუსეთის წინააღმდეგ შემოღებული ეკონომიკური სანქციების მოქმედების კიდევ 6 თვით გახანგრძლივებას მწვანე შუქი მისცეს. ოფიციალურად გახანგრძლივება შემდეგ კვირაში მოხდება“, - წერს იოზვიაკი.