კოსოვო მიმდინარე წლის დეკემბერში ან 2018 წლის იანვარში ევროპის საბჭოს წევრობაზე განაცხადის შეტანას გეგმავს. ამის შესახებ თვითგამოცხადებული რესპუბლიკის ე.წ. ვიცე-პრემიერმა ენვერ ხოჯაიმ განაცხადა.

„თუ განაცხადს ახლა შევიტანთ, ევროპის საბჭოს წევრობა შესაძლოა უახლოეს 2 წელიწადში მივიღოთ, ვინაიდან ევროპის საბჭოს თავმჯდომარე ქვეყნები ამ დროის განმავლობაში ოთხი ისეთი სახელმწიფო იქნება, რომლებსაც კოსოვოს დამოუკიდებლობა აქვს აღიარებული“, - განაცხადა ენვერ ხოჯაიმ.

მისი თქმით, ევროკავშირის შემდეგ ევროპის საბჭო კონტინენტის ერთ-ერთი უმნიშვნელოვანესი ორგანიზაციაა, კოსოვო კი რეგიონში ევროკავშირის არაწევრი ერთადერთი „სახელმწიფოა“.