ვილნიუსის მერი - თბილისის მერს პრაქტიკულ რჩევას მივცემდი, რომ ქალაქში იყოს უფრო მეტი საბავშვო ბაღი, კარგად მოწყობილი საჯარო ადგილები და გამართული სატრანსპორტო სისტემა

იმისთვის, რომ იყო ევროპული ქალაქის მერი, პირველ რიგში, საჭიროა, მოსახლეობას ჰკითხო თუ რა სურთ მათ, - ამის შესახებ ქალაქ ვილნიუსის მერმა რემიგიუს შიმაშიუსმა „ინტერპრესნიუსის“ კითხვაზე პასუხისას განაცხადა, თუ რას ურჩევდა ის ქალაქ თბილისის მერს კახა კალაძეს, რომელიც ამ თანამდებობაზე ახლახან აირჩიეს.

„ზოგადად ქალაქისთვის ყოველთვის მნიშვნელოვანია, რომ ის საერთაშორისო იყოს. ამიტომაც, მთავარი კითხვაა, თუ როგორ ვაქციოთ ქალაქი უფრო მეგობრულად და კომფორტულად ახალჩამოსულებისთვის“, - განაცხადა ვილნიუსის მერმა.

მისი თქმით, ქალაქის ცხოვრებაში საჭიროა ახალი ტექნოლოგიების დანერგვა.

”მე ვცდილობ ახალი ტექნოლოგიები დავნერგო ქალაქში. საამისოდ ვიწვევ საერთაშორისო ექსპერტებს, კომპანიებს. ამიტომაც, ვილნიუსი აღიარებულია, როგორც კეთილგანწყობილი ქალაქი და ჩვენ ვაგრძელებთ მუშაობას, რათა კიდევ უფრო კეთილგანწყობილი ვიყოთ ვილნიუსის სტუმრებისთვის და ინვესტორებისთვის“, - აღნიშნა რემიგიუს შიმაშიუსმა.

ვილნიუსის მერმა ასევე აღნიშნა ის სფეროები, რომელსაც თბილისის მერმა განსაკურებული ყურადღება უნდა დაუთმოს.

„თბილისის მერს პრაქტიკულ რჩევას მივცემდი, ყურადღება მიაქციოს იმას, რომ ქალაქში იყოს უფრო მეტი საბავშვო ბაღი, უფრო მეტი კარგად მოწყობილი საჯარო ადგილები და გამართული სატრანსპორტო სისტემა. ეს არის მნიშვნელოვანი კომპონენტები, რათა ქალაქი უფრო უკეთესი იყოს. კიდევ დავამატებდი ერთ პუნქტს, რომ ქალაქი ასევე კეთილგანწყობილი და მეგობრული უნდა იყოს უცხოელებისთვის“, - დასძინა მან.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება