მიხეილ სააკაშვილი - თავის დროზე პოროშენკომ სამჯერ შემომთავაზა პრემიერ-მინისტრის თანამდებობა, მაგრამ უარი განვუცხადე

საქართველოს ყოფილმა პრეზიდენტმა მიხეილ სააკაშვილმა ტელეარხ NewsOne-სთვის მიცემულ ინტერვიუში განაცხადა, რომ თავად გამოთქვა სურვილი ოდესის ოლქის გუბერნატორობის შესახებ.

„არავის სურდა იქ წასვლა, ვინაიდან ძალიან რთული სიტუაცია იყო. რუსეთი შეტევაზე გადმოდიოდა. ტერაქტებს ჰქონდა ადგილი. ძალიან არამდგრადი სიტუაცია იყო“, - განაცხადა მიხეილ სააკაშვილმა.

საქართველოს ყოფილმა პრეზიდენტმა ასევე აღნიშნა, რომ მას ეროვნული ანტიკორუფციული ბიუროს ხელმძღვანელობა სურდა, თუმცა პეტრო პოროშენკომ მას ამაზე უარი განუცხადა.

„თავის დროზე, ორჯერ ან სამჯერ შემომთავაზა პეტრო პოროშენკომ პრემიერ-მინისტრის თანამდებობა, მაგრამ მე უარი განვუცხადე. არ ვიცი, გულწრფელად შემომთავაზა თუ იაცენუკის გაბრაზება სურდა, მაგრამ მეუბნებოდა, რომ პრემიერ-მინისტრად დამნიშნავდა. მას ვკითხე: „მექნება საშუალება ნორმალური მინისტრები დავნიშნო?“, რაზეც მიპასუხა: „არა, უბრალოდ პრემიერი იქნები“. რა თქმა უნდა, ამაში მონაწილეობის მიღება არ მსურდა“, - დასძინა სააკაშვილმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს