თბილისში სუამ-ის საპარლამენტო ასამბლეის სესია გაიმართება

თბილისში სუამ-ის საპარლამენტო ასამბლეის რიგით მეათე ყოველწლიური სესია გაიმართება. გუშინ, სუამ-ის საპარლამენტო ასამბლეის ბიუროსა და კომიტეტის წევრების, ასევე, ბიუროსა და ბალტიის ასამბლეის პრეზიდიუმის შეხვედრები გამართეს, დღეს კი, სუამ-ის საპარლამენტო ასამბლეის რიგით მეათე ყოველწლიურ სესიას მისასალმებელი სიტყვით მიმართავენ სუამ-ის საპარლამენტო ასამბლეის თავმჯდომარე გიორგი მოსიძე, საქართველოს პარლამენტის თავმჯდომარის პირველი მოადგილე თამარ ჩუგოშვილი, საქართველოს ვიცე-პრემიერი; საგარეო საქმეთა მინისტრი მიხეილ ჯანელიძე, აზერბაიჯანის დელეგაციის ხელმძღვანელი სუამ-ის საპარლამენტო ასამბლეაში აზერ კარიმლი, ბალტიის ასამბლეის პრეზიდენტი, ესტონეთის დელეგაციის ხელმძღვანელი ბალტიის ასამბლეაში აადუ მუსტი, ბენელუქსის საპარლამენტო ასამბლეის პრეზიდენტი ანდრე პოსტემა, სუამ-ის გენერალური მდივანი ალტაი ეფენდიევი.

ყოველწლიური სესიის ფარგლებში რამდენიმე პანელი გაიმართება თემებზე: რეგიონული უსაფრთხოების საერთო მიდგომა, ერთობლივი ძალისხმევა ტრანსსასაზღვრო დანაშაულების წინააღმდეგ, მდგრადი მომავალი: განახლებად ენერგიაზე გადასვლის გამოცდილების გაზიარება.

სუამ-ის საპარლამენტო ასამბლეის რიგით მეათე ყოველწლიური სესია შემაჯამებელი დოკუმენტის მიღებით დასრულდება.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა