ოპერატიული სამსახურები რუსეთის სახელმწიფო დუმის შენობაში ასაფეთქებელი მოწყობილობის არსებობის შესახებ ანონიმურ შეტყობინებას ამოწმებენ

მოსკოვში, ოპერატიული სამსახურები, რუსეთის სახელმწიფო დუმის შენობაში ასაფეთქებელი მოწყობილობის არსებობის შესახებ ანონიმურ შეტყობინებას ამოწმებენ. ამის შესახებ ТАСС-ს საგანგებო სამსახურიდან წყარომ შეატყობინა.

„შემოვიდა ანონიმური შეტყობინება, თითქოს სახელმწიფო დუმის შენობაში ასაფეთქებელი მოწყობილობაა დამონტაჟებული. შენობას ახლა კინოლოგები ამოწმებენ“, - განაცხადა წყარომ.

მისივე თქმით, შემოწმებისას შენობაში ევაკუაცია არ განხორციელებულა.

სახელმწიფო დუმაში ნაღმის არსებობის შესახებ ინფორმაცია რამდენიმეჯერ ადრეც გავრცელდა, თუმცა საფრთხეები არ დადასტურებულა. დეკემბრის დასაწყისიდან მოყოლებული კი, ეს უკვე მესამე შემთხვევაა.