დიმიტრი ქუმსიშვილი ზურაბ ჭიბერაშვილს - ნუ შეგყავთ მოსახლეობა შეცდომაში

ნუ შეგყავთ მოსახლეობა შეცდომაში, - ასე მიმართა ეკონომიკისა და მდგრადი განვითარების მინისტრობის კანდიდატმა დიმიტრი ქუმსიშვილმა „ევროპული საქართველოს“ წევრს ზურაბ ჭიაბერაშვილს, რომლის განცხადებით, საერთო გამოშვებასა და დასაქმებაში მცირე და საშუალო ბიზნესის წილის კლებაა.

„ბატონო ზურაბ, ჩვენმა თანამშრომლებმა გადაამოწმეს და მინდა გითხრათ, რომ წლის წელთან შედარებით მცირე და საშუალო ბიზნესის ზრდა გვაქვს - 18 -19%-იანი. ამიტომ ნუ შეგყავთ მოსახლეობა შეცდომაში, ძალიან გთხოვთ. კვარტალი კვარტალთან და წელიწადი წელიწადთან რომ ავიღოთ, მცირე და საშუალო ბიზნესი იზრდება. თუ ჩვენ საქმე გვაქვს იმასთან, რომ მთლიანად ეკონომიკაში დიდი ბიზნესის წილი უფრო სწრაფად გაიზარდა, ვიდრე მცირე და საშუალოსი, აქ მე მგონი დანაშაული არ არის. ვერ მივალთ და ვიღაცეებს ვერ დავახრჩობთ იმიტომ, რომ ისინი გაიზრდნენ უფრო მეტად, ვიდრე მცირე და საშუალო ბიზნესი. თუმცა მცირე და საშუალო ბიზნესი, რა თქმა უნდა, იზრდება და ეს არის კონკრეტული სტატისტიკა“, - განაცხადა ქუმსიშვილმა.

თავის მხრივ, ზურაბ ჭიაბერაშვილმა აღნიშნა, რომ მთლიან ეკონომიკაში შემცირებულია და აღნიშნული მონაცემები „საქსტატს“ უდევს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა