ფოთში მოსახლეობა თევზის გადამამუშავებელი ქარხნებისთვის ფილტრების დაყენებას ითხოვს. ადგილობრივები ,,ინტერპრესნიუსთან“ საუბარში აცხადებენ, რომ ქაფშიის რეწვის სეზონზე, ნოემბრის ბოლოდან აპრილამდე, ქალაქში თევზის სუნის გამო ცხოვრება გაუსაძლისი ხდება.
მათი თქმით, პრობლემა წლებია არსებობს და მის აღმოფხვრაზე არავინ ნოემბრის ბოლოდან აპრილამდე, ქ ქალაქში ცხოვრება გაუსაძლისი ხდება.
მათი თქმით, პრობლემა წლებია არსებობს და მის აღმოფხვრაზე არავინ ფიქრობს.
”მოწამლულია ჰაერი, ვიწამლებით ყველანი, ჩვენს ჯანმრთელობას საფრთხე ექმნება. ფანჯრის გაღება და ქუჩაში გასვლა შეუძლებელი გახდა. ბავშვები სასეირნოდ ვერ გაგვყავს. 21-ე საუკუნეში ეს პრობლემა არ უნდა არსებობდეს. თევზის გადამამუშავებელ ქარხნებს ფილტრები დაუყენენონ, რათა უსიამოვნო სუნი ჰაერში არ გაიფრქვეს. იმედია შესაბამისი უწყებები საკითხით ამჯერად მაინც დაინტერესდებიან და სათანადო ზომებს მიიღებენ“, - განუცხადა „ინტერპრესნიუსს“ ფოთში მცხოვრებმა ნონა ციცქარავამ.
ქალაქში თევზის გადამამუშავებელი ოთხი ქარხანა ფუნქციონირებს, რომლებიც სხვადასხვა სახის პროდუქტს აწარმოებენ. ძირითადი პროდუქტი თევზის ფქვილია, თუმცა ისინი ცოცხალი თევზის რეალიზაციასაც ეწევიან და მცირე რაოდენობით ზეთსაც ამზადებენ. თევზის გადამამუშავებელი საწარმოების ხელმძღვანელები ირწმუნებიან, რომ ქარხნები სათანადოდაა აღჭურვილი და ევროკავშირის მოთხოვნებს აკმაყოფილებს. ისინი ამტკიცებენ, რომ ქალაქში თევზის უსიამოვნო სუნი მათი საწარმოებიდან არ ვრცელდება.
ადგილობრივ ხელისუფლებაში აცხადებენ, რომ აღნიშნული პრობლემის მოგვარების მიზნით კომუნიკაცია აქვთ შესაბამის უწყებებთან.
”უნდა გატარდეს მაქსიმალური ღონისძიებები, რათა თავიდან ავიცილოთ უსიამოვნო სუნი. მისასალმებელია, რომ ფოთში თევზის მრეწველობა ვითარდება და პროდუქცია ექსპორტზე გადის, მაგრამ ეს არ უნდა მოხდეს ჩვენი თანაქალაქელების დისკომფორტის ხარჯზე,“- აღნიშნა ფოთის მუნიციპალიტეტის მერმა გოჩა კურდღელიამ.
მიუხედავად იმისა, რომ ფოთელები ყოველ წელს თევზის უსიამოვნო სუნს აპროტესტებენ, პრობლემა ამ დრომდე მოუგვარებელია. მოსახლოება ხელისუფლებას რეაგირებისკენ მოუწოდებს, წინააღმდეგ შემთხვევაში აქციების გამართვას გეგმავენ.