ქეთევან მსხილაძე - არ ვარ წინააღმდეგი ”საზოგადოებრივმა მაუწყებელმა” მეტი სარგებელი მიიღოს, მაგრამ ამან არ უნდა დააზარალოს მედია გარემო, კერძო მაუწყებლები

არ ვარ წინააღმდეგი ”საზოგადოებრივმა მაუწყებელმა” მეტი შემოსავალი, მეტი სარგებელი მიიღოს, მაგრამ ამ სარგებელმა არ უნდა დააზარალოს მედია გარემო, არ უნდა დააზარალოს კერძო მაუწყებლები, - ამის შესახებ ”საზოგადოებრივი მაუწყებლის” სამეურვეო საბჭოს წევრმა ქეთევან მსხილაძემ პრეზიდენტთან შეხვედრის დაწყებამდე განაცხადა. მისი თქმით, მას აქვს გარკვეული ეჭვები, რომელიც ”საზოგადოებრივი მაუწყებლის” დამატებით შემოსავლებს ეხება.

მსხილაძე ეჭვობს, რომ მაუწყებლისთვის კომერციული რეკლამის მოზიდვის უფლების მინიჭება ისედაც მცირე სარეკლამო ბაზარს კიდევ უფრო დააზარალებს, რაც პრობლემას კომერციულ ტელევიზიებს შეუქმნის.

"ჩემი პოზიცია ბორდის უმრავლესობის პოზიციისგან განსხვავდება. ცხადია, არ ვარ წინააღმდეგი საზოგადოებრივმა მაუწყებელმა მეტი შემოსავალი, მეტი სარგებელი მიიღოს, მაგრამ ამ სარგებელმა არ უნდა დააზარალოს მედია გარემო, არ უნდა დააზარალოს კერძო მაუწყებლები, არ უნდა გააჩინოს ეჭვი, რომ შეიძლება ამ ნაბიჯების უკან რაიმე საეჭვო გარიგება, ან რაღაც ფავორიტი კომპანიები გამოჩნდნენ.

მაქვს ჩემი ეჭვები, რასაც გამოვთქვამ საჯაროდ. ეს არ ნიშნავს იმას, რომ 100% მართალი ვარ, მაგრამ მე, როგორც საბჭოს ერთ წევრს, ცხადია უფლება მაქვს, მქონდეს ჩემი ეჭვები", - განაცხადა ქეთევან მსხილაძემ.

მისივე თქმით, ”საზოგადოებრივი მაუწყებლის” საკითხის განხილვისას გასათვალისწინებელია ის კონტექსტი, რაც საქართველოს მედიაში არსებობს.

"მაუწყებლის საკითხი მთლიანად მედიალანდშაფტისგან იზოლირებულად არ უნდა განვიხილოთ. უნდა განვიხილოთ მთლიანობაში და უნდა გავითვალისწინოთ ის კონტექსტი, რაც საქართველოს მედიაში არსებობს", - აღნიშნა ”საზოგადოებრივი მაუწყებლის” სამეურვეო საბჭოს წევრმა.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 25.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია
ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
„თელიანი ველის“ გლეხური რქაწითელი ქვევრი დეკანტერის უმაღლესი ჯილდოს მფლობელია
წინანდლის კლასიკური მუსიკის რიგით მეორე ფესტივალი დასრულდა
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო