საქართველოს სროლის ფედერაციას ახალი პრეზიდენტი ჰყავს. სასტუმრო "რედისონში" გამართულ სროლის ფედერაციის ვადამდელ საარჩევნო-საანგარიშო ყრილობაზე დელეგატებმა, ბიზნესმენი თამაზ სომხიშვილი ერთხმად აირჩიეს. როგორც„sportall.ge წერს, სომხიშვილი პრეზიდენტობის ერთადერთი კანდიდატი იყო.
გარდა ამისა, ყრილობამ ფედერაციის პირველ ვიცე-პრეზიდენტად ლეგენდარული სპორტსმენი, ოლიმპიადისა და მსოფლიოს ჩემპოიონი, ევროპის სამგზის გამარჯვებული, 19-გზის მსოფლიოს რეკორდსმენი და 8 ოლიმპიადის მონაწილე ნინო სალუქვაძე აირჩია, ვიცე-პრეზიდენტებად კი ჯანი მიხაილოვი და კახა სიხარულიძე.
რიგგარეშე ყრილობაზე ასევე 11 -კაციანი პრეზიდიუმიც დაკომპლექტდა. რაც შეეხება სროლის ფედერაციის გენერალურ მდივანს, მას მოგვიანებით დანიშნავენ.