თბილისის მერი კახა კალაძე მოსახლეობას სთხოვს, ახალი წლის განწყობის ასამაღლებლად შეძლებისდაგვარად მორთონ საკუთარი აივნები.

კახა კალაძე ლილოს ბაზრობაზე იმყოფებოდა, სადაც მან თავად დაათვალიერა საახალწლო ილუმინაციები და 14 ლარის შენაძენი გააკეთა.

”ჩვენ წამოვიწყეთ საინტერესო აქცია, რათა ერთად შევქმნათ ახალი წელი და ერთად მოვრთოთ ჩვენი დედაქალაქი. ვთხოვთ მოსახლეობას, შეძლებისდაგვარად, ვისაც რა შესაძლებლობა აქვს, მოვრთოთ ჩვენი საკუთარი ფანჯრები, საკუთარი აივნები.

მინდა ვთხოვო მოსახლეობას, რომ პატარა, ელემენტარული საახალწლო განათებები იყოს გადმოკიდებული თქვენს ფანჯრებსა და აივნებზე”, - განაცხადა კახა კალაძემ.