რომის პაპი შობის წინა დღეს გამოვიდა მოწოდებით, გათავისუფლდნენ გატაცებული მღვდლები, მონაზვნები და საერო პირები

რომის პაპმა ფრანცისკემ შობის წინა დღეს ღმერთს მთელი მსოფლიოსთვის მშვიდობა სთხოვა და გამოვიდა მოწოდებით, გათავისუფლდნენ გატაცებული ადამიანები, მათ შორის მღვდლები, მონაზვნები და საერო პირები.

„ჩვენ ვლოცულობთ მსოფლიოსთის მშვიდობის მისანიჭებლად, განსაკუთრებით იმ მოსახლეობისთვის, რომლებიც იტანჯებიან მიმდინარე კონფლიქტების გამო. კვლავაც მოვუწოდებ, რომ შობის დღესასწაულთან დაკავშირებით გათავისუფლდნენ ადამიანები - მოძღვრები, მონაზვნები და საერონი და დაუბრუნდნენ საკუთარ სახლებს“, - განაცხადა პაპმა ტრადიციული საკვირაო ქადაგებისას ვატიკანში.

პაპმა წმინდა პეტრეს მოედანზე შეკრებილ მომლოცველებს უსურვა, რომ იმ საათებში, რომელიც მათ შობის დღესასწაულთან აშორებს, გამონახონ დრო და ჩუმად ილოცონ და იფიქრონ ქრისტეზე, „რომელიც გვიახლოვდება სიყვარულით, მორჩილებითა და სიფაქიზით“.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან