ზუგდიდში ზვიად რატიანის მხარდამჭერი აქცია გაიმართა

პოეტის, ზვიად რატიანის მხარდამჭერი აქცია ზუგდიდში გაიმართა. მშვიდობიანი აქცია ადგილობრივმა პოეტებმა და არასამთავრებო ორგანიზაციის წევრებმა გამართეს.

მათი განცხადებით, ისინი გმობენ ყოველგვარ ძალადობას და დამნაშავეების სათანადოდ დასჯას მოითხოვენ.

„პოლიციამ იძალადა ძალიან ცნობილ პოეტზე, ზვიად რატიანზე. ჩვენ ვგმობთ ყოველგვარ ძალადობას. ამ აქციით გვინდა მოვითხოვოთ, რომ დაისაჯონ დამნაშავე პოლიციელები, რომლებიც მსგავსი ქმედებებით შინაგან საქმეთა სამინისტროს იმიჯსაც არცხვენენ. როგორც ჩვენთვის არის ცნობილი, მხოლოდ ერთ პოლიციელს შეუწყდა უფლებამოსილება და დანარჩენ შვიდ პოლიციელსაც უნდა შეუწყდეს უფლებამოსილება“, - აცხადებენ აქციის მონაწილეები.

სამართალდამცველებმა პოეტი ზვიად რატიანი ადმინისტრაციული წესით 24 დეკემბერს დააკავეს. რატიანის ინფორმაციით, დაკავების დროს მას პოლიციამ ფიზიკური შეურაცხყოფა მიაყენა, რის გამოც სხეულზე დაზიანებები აღენიშნება.

ამასთან შსს-ს ინფორმაციით, ფაქტთან დაკავშირებით ზვიად რატიანის მიმართ შედგენილია ადმინისტრაციული სამართალდარღვევის ოქმი საქართველოს ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით.

თავის მხრივ, პროკურატურამ რატიანის მიმართ პოლიციელის მხრიდან უფლებამოსილების შესაძლო გადამეტების ფაქტზე გამოძიება დაიწყო.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა