ავღანეთის სამთავრობო ძალებმა ბოლო 24 საათის განმავლობაში სულ მცირე 86 „ბოევიკი“, მათ შორის რადიკალური მოძრაობა „თალიბანის“ 3 საველე მეთაური გაანადგურეს.
ამის შესახებ ქვეყნის ეროვნული თავდაცვის სამინისტროზე დაყრდნობით სააგენტო Bakhtar იუწყება.
სააგენტოს ინფორმაციით, სპეცოპერაციები ჩრდილოეთში (ფარიაბის პროვინცია), სამხრეთში (ჰელმანდი, ყანდაარი, ზაბული), აღმოსავლეთში (ნანგარჰარი, ლაღმანი, ფაქთიკა) და ცენტრალურ ნაწილში (ღაზნი, ვარდაკი, უროზგანი) ჩატარდა.
ავღანეთის ეროვნული თავდაცვის სამინისტროს განცხადებით, 30-ზე მეტი მებრძოლი დაჭრილია, 7 კი დაკავებული.