მარტვილში საახალწლო ღონისძიებები 7 -14 იანვრამდე გადაიდო. მუნიციპალიტეტის მერის, ალექსანდრე გრიგალავას თქმით, დაგეგმილი ღონისძიებები ორი დღის წინ, უბედური შემთხვევის შედეგად დაღუპული 21 წლის სალომე გალდავას გამო არ ჩატარდება.
„დღეიდან უნდა დაწყებულიყო ღონისძიებები, ყველაფერი დაგეგმილი იყო, მაგრამ ახალგაზრდა გოგოს გარდაცვალების გამო გადავდეთ. ოჯახი მარტვილის ცენტრში ცხოვრობს და ჩავთვალეთ, რომ იქ ღონისძიებების გამართვა სწორი არ იქნება“, - განაცხადა მერმა.
ახალგაზრდა გოგო თბილისში ბუნებრივი აირის გაჟონვის შედეგად გარდაიცვალა.