სოფელ დუისში, პოლიციის შენობასთან შეკრებილ მოსახლეობას უხუცესთა საბჭოს წევრმა სოსო ქავთარაშვილმა მიმართა. "ეს სპეცოპერაცია არის ხეობის აუტანელი შეურაცხყოფა. ფეხქვეშ გათელეს პანკისის სახელი. მე ყველას ვიცნობ, ვიცი ვინ რას აკეთებს, ის დაკავებული ბიჭები უდანაშაულოები არიან. 19 წლის ახალგაზრდა, უწესიერესი, უდანაშაულო ბიჭი გვეცლება ხელიდან. დღეს იმიტომ არის ამდენი ხალხი შეკრებილი, რომ ჩვენ გვინდა მშვიდობა. ჩვენ კანონს ვემორჩილებით და არა ძალის გადამეტებას. ეს არის დაუშვებელი . მსგავსი ქმედება არ მოგვითმენია და არც მოვითმენთ", - განაცხადა სოსო ქავთარაშვილმა.