GWP-ს ოპერაციების მართვის დირექტორის პირველი მოადგილე - ჩვენი მოლოდინი მისაღებ შემოსავლებთან დაკავშირებით იყო უფრო მეტი, ვიდრე სემეკმა დაიანგარიშა

მომდევნო სატარიფო პერიოდზე, 2018 -2020 წლებისთვის, ჩვენი მოლოდინი მისაღებ შემოსავლებთან დაკავშირებით იყო უფრო მეტი, ვიდრე სემეკმა დაიანგარიშა, - ამის შესახებ "ჯორჯიან უოთერ ენდ ფაუერის" ოპერაციების მართვის დირექტორის პირველმა მოადგილემ ზურაბ ალფაიძემ სემეკის სხდომის შემდეგ განაცხადა, რომელზეც კომისიამ კომპანიის 2018-2020 წლების ტარიფები დაადგინა.

როგორც მან აღნიშნა, მიმდინარე, დღეს მოქმედი ტარიფი ძალაშია 2017 წლის 31 დეკემბრის ჩათვლით, ხოლო დღევანდელ სხდომაზე სემეკმა 2018, 2019 და 2020 წლების ტარიფები დაადგინა.

"2017 წელი განსაკუთრებული იყო კომპანიისთვის, ვინაიდან ამ წელს 84 მილიონ ლარზე მეტის ინვესტიცია განხორციელდა. ასევე, მომდევნო სატარიფო პერიოდზე დაგეგმილი გვაქვს, რომ განხორციელდეს 200 მილიონ ლარზე მეტის ინვესტიცია, რაც ისევ და ისევ მოხმარდება მომხმარებელს და ისინი მიიღებენ გაუმჯობესებული წყალმომარაგების სერვისს. რაც შეეხება შეკითხვას, ჩვენს მოლოდინებთან დაკავშირებით, მომდევნო სატარიფო პერიოდზე, 2018-2020 წლებისთვის, ჩვენი მოლოდინი მისაღებ შემოსავლებთან დაკავშირებით იყო უფრო მეტი, ვიდრე კომისიამ გაიანგარიშა", - განაცხადა ალფაიძემ.

მისივე თქმით, ისე, როგორც 2017 წელს ჩატარდა უპრეცედენტოდ დიდი რეაბილიტაცია და ინვესტიცია, მომდევნო სატარიფო პერიოდშიც კომპანია თავის გეგმებს წარმატებით შეასრულებს.

"მიმდინარე სამუშაო სხდომების გათვალისწინებით, ჩვენ განვაცხადეთ გარკვეული სახის შენიშვნები ტარიფის გაანგარიშებასთან დაკავშირებით ჩვენს მისაღებ შემოსავლებზე, რისი ნაწილის გათვალისწინებაც მოხდა კომისიის მიერ, თუმცა ნაწილის გათვალისწინება არ მოხდა", - განაცხადა ალფაიძემ.

თბილისში მოსახლეობისთვის წყლის ტარიფი გაძვირდა. გამრიცხველიანებული აბონტებისთვის 1 მ3-ზე დაახლოებით, 6 თეთრით, ხოლო გაუმრიცხველიანებლისთვის 1 სულზე დაახლოებით, 75 თეთრით იზრდება. რაც შეეხება არასაყოფაცხოვრებო სეტქორს, ამ შემთხვევაში წყლის ტარიფი მცირედით დაახლოებით, 2 თეთრით იკლებს.

ენერგეტიკისა და წყალმომარაგების მარეგულირებელი ეროვნული კომისიის გადაწყვეტილების თანახმად, მრიცხველის მქონე მოსახლეობისთვის წყლის ტარიფი იქნება 1მ3 - 0.329 ლარი, უმრიცხველო მოხმარებისას (ფიქსირებული) 1 სულზე 3.89 ლარი, არასაყოფაცხოვრებო სექტორისთვის (ორგანიზაციები და კომერციული სექტორი) 1მ3 - 4.40 ლარი.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში