ტერორიზმის მხარდაჭერის ბრალდებით დაკავებულ რუსლან ალდამოვს მისი ინტერესების დამცელი მოინახულებს

ტერორიზმის მხარდაჭერის ბრალდებით დაკავებულ რუსლან ალდამოვს დღეს მისი ინტერესების დამცელი მოინახულებს. მარიამ კუბლაშვილი საპატიმროში ალდამოვთან პოზიციების შესაჯერებლად შევა.

როგორც "ინტერპრესნიუსს" ალდამოვის ადვოკატმა განუცხადა, დღეს გადაწყდება ასევე, გასაჩივრდება თუ არა თბილისის საქალაქო სასამართლოს გადაწყვეტილება ბრალდებულისთვის აღკვეთის ღონისძიების სახით პატიმრობის შეფარდების თაობაზე.

"ვაპირებ, რომ შევხვდე. სასამართლოს განჩინება ჯერ არ გვაქვს, მაგრამ შევათანხმებ პოზიციას, უნდა თუ არა გასაჩივრდეს პატიმრობის შეფარდება სააპელაციო სასამართლოში. ამასთან, გვექნება საუბარი სხვადასხვა საკითხზე, რაც მის დაცვას ეხება", - განაცხადა კუბლაშვილმა.