ელიავას ბაზრობის მიმდებარე ტერიტორიაზე კორპუსის მშენებლობისას 2 მუშა დაშავდა

ელიავას ბაზრობის მიმდებარე ტერიტორიაზე კორპუსის მშენებლობისას 2 მუშა დაშავდა. როგორც ”ინტერპრესნიუსისთვის” გახდა ცნობილი, ობიექტიდან სამშენებლო მასალა - ფიცარი ჩამოვარდა და იქ მყოფ ორ ადამიანს დაეცა, რის შედეგადაც მათ სხეულის დაზიანება მიიღეს.

ორივე დაშავებული სასწრაფო სამედიცინო სამსახურის ბრიგადამ საავადმყოფოში გადაიყვანა.

როგორც ”ინტერპრესნიუსს” შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 240-ე მუხლით დაიწყო, უსაფრთხოების ნორმების დარღვევას გულისხმობს.