ოკუპირებულ სამხრეთ ოსეთში ე.წ. მესაზღვრეებმა საქართველოს მოქალაქე „სახელმწიფო საზღვრის“ რეჟიმის დარღვევისთვის დააკავეს. ამის შესახებ დე ფაქტო რესპუბლიკის ე.წ. სახელმწიფო უშიშროების კომიტეტის პრესსამსახური იუწყება.
28 დეკემბერს „მესაზღვრეებმა“ ერთი პირი ქარელის მუნიციპალიტეტის სოფელ იონჩას მახლობლად დააკავეს. დაკავებული საქართველოს მოქალაქე, ქარელის რაიონის სოფელ ავლევის მკვიდრი, 1953 წელს დაბადებული ზურაბ ჟღენტი აღმოჩნდა.
ე.წ. სახელმწიფო უშიშროების კომიტეტის პრესსამსახურის ინფორმაციით, დაკავების ფაქტის გარშემო მოკვლევა მიმდინარეობს. საქმე, შესაძლოა, ე.წ. სასამართლოს გადაეცეს.