თემირლან მაჩალიკაშვილის სახლში საგამოძიებო პროცედურა დასრულდა

საგამოძიებო ჯგუფმა პანკისის ხეობაში, თემირლან მაჩალიკაშვილის სახლში საგამოძიებო პროცედურა დაასრულა. ექსპერტები შემთხვევის ადგილს რამდენიმე საათის განმავლობაში ათვალიერებდნენ.

ხეობაში იმყოფება დაჭრილი ახალგაზრდის და, რომელიც თბილისიდან სპეციალურად ჩამოყვა ექსპერტთა ჯგუფს. ნატა მაჩალიკაშვილის ინფორმაციით, სპეციალისტებმა ყველა ნივთმტკიცება ამოიღეს.

მისივე თქმით, ოჯახს იმედი აქვს, რომ მომხდარის ობიექტურად გამოძიება მოხდება. სხვა შემთხვევაში არ გამოირიცხება, რომ საქმეში დამოუკიდებელი ექსპრტი ჩაერთოს.