აზერბაიჯანელი ჟურნალისტის აფგან მუხთარლის საქმის სასამართლო განხილვა დღეს გაგრძელდება. როგორც ”ინტერპრესნიუსს” მუხთარლის ადვოკატმა არჩილ ჩოფიკაშვილმა განუცხადა, პროცესი აზერბაიჯანში, ბელაქანის რაიონულ სასამართლოში 12:00 საათზეა დანიშნული. მისივე თქმით, დღეს გაგრძელდება ბრალდების მხარის მიერ წარდგენილი მოწმეების, მესაზღვრეების დაკითხვა.
ჩოფიკაშვილის ინფორმაციით, მას შემდეგ რაც ამოიწურება ბრალდების მხარის მტკიცებულებების წარდგენა, ამის შემდეგ დაიწყება დაცვის მხარის მიერ წარდგენილი მტკიცებულებების გამოკვლევა, მათ შორის სასამართლოს წინაშე ჩვენებას მისცემს თავად მუხთარლი.