პანკისის ხეობაში სპეცოპერციის დროს დაჭრილი თემირლან მაჩალიკაშვილის საცხოვრებელ სახლში დამოუკიდებელი ექსპერტი მაია ნიკოლეიშვილი რამდენიმე საათში დაიწყებს მუშაობას. როგორც "ინტერპრესნიუსს" ექსპერტმა განუცხადა, ის თბილისიდან პანკისის ხეობაში უკვე გაემგზავრა.

როგორც ცნობილია, თემირლან მაჩალიკაშვილის ოჯახის წევრების მოთხოვნით, პროცესში დამოუკიდებელი ექსპერტი ჩაერთო.

26 დეკემბერს პანკისში ჩატარებული სპეცოპერაციის დროს 19 წლის თემირლან მაჩალიკაშვილი თავის არეში დაიჭრა. ის ამ დრომდე წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში მკურნალობს.