რობაქიძის სახელობის უნივერსიტეტი და საფრანგეთის ადმინისტრირების ეროვნული უმაღლესი სკოლა ახალ სამაგისტრო პროგრამას იწყებენ

გრიგოლ რობაქიძის სახელობის უნივერსიტეტი და საფრანგეთის ადმინისტრირების ეროვნული უმაღლესი სკოლა (ENA) ახალი ერთობლივი სამაგისტრო პროგრამის: ,,საჯარო მმართველობა და საერთაშორისო ურთიერთობები” განხორციელებას იწყებენ.

რობაქიძის უნივერსიტეტის ინფორმაციით, სწავლის ხანგრძლივობა 10 თვეა და კურსდამთავრებულებს მიენიჭებათ ,ENA’-სა და სორბონის უნივერსიტეტის (Université Paris I – Panthéon-Sorbonne) მაგისტრის შესაბამისი აკადემიური ხარისხი და დიპლომი (MASTER 2).

სასწავლო კურსი განკუთვნილია ახალგაზრდა სახელმწიფო მოხელეებისა და მაგისტრატურის პირველკურსდამთავრებულებისათვის. პროგრამა ამზადებს სახელმწიფო მოხელეებს, რომლებიც შეძლებენ, როგორც თავისი ქვეყნის პოლიტიკური და საჯარო პროცესების წარმატებით მართვას, ისე სართაშორისო ორგანიზაციებში მუშაობას.

სწავლება მიმდინარეობს ინგლისურ ენაზე და მოიცავს ფრანგული ენის გაღრმავების მოდულსაც.

პროგრამა, გარდა თეორიული მოდულებისა, სტუდენტებს სთავაზობს პრაქტიკული მეცადინეობების ციკლს პარიზისა და ევროკავშირის ქვეყნების წამყვან სახელმწიფო სტრუქტურებში, მათ შორის, საფრანგეთის პრემიერ-მინისტრის კაბინეტში, რომელსაც ცნობილი ექსპერტები და მაღალი რანგის მოხელეები, ევროპელი და ფრანგი კონსულტანტები უძღვებიან.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა