მსოფლიოს მრავალმხრივი ურთიერთობები ახლა კრიზისს განიცდის. ჩვენ მას ახალი დინამიკა უნდა მივცეთ და კრიზისს დიალოგით ვუპასუხოთ. ეს შეიძლება მოხდეს კლიმატურ ცვლილებებთან ბრძოლითა და ახალი წესების განსაზღვრით უკეთესი სავაჭრო ურთიერთობების ჩამოსაყალიბებლად, - ამის შესახებ საფრანგეთის პრეზიდენტმა, ემანუელ მაკრონმა ჩინეთში სახელმწიფო ვიზიტისას განაცხადა.
ვიზიტის ფარგლებში ჩინეთის პრეზიდენტსა და ემანუელ მაკრონს შორის საუბარი შეეხება ჩინეთის როლს „კლიმატის შესახებ პარიზის შეთანხმების“ დანერგვაში, ასევე „ახალი აბრეშუმის გზის“ პროექტს, ჩინეთსა და საფრანგეთს შორის სტრატეგიულ პარტნიორობას.
„მე მჯერა, რომ საფრანგეთი და ჩინეთი თანამშრომლობის გზით ვითარების უკეთესობისკენ შეცვლაში საკუთარ წვლილს შეიტანენ“, - აღნიშნა საფრანგეთის პრეზიდენტმა.