ავღანეთში, ქუნარის პროვინციაში სახელისუფლო ძალებმა ტერორისტული დაჯგუფება „ისლამური სახელმწიფოს“ სულ მცირე 15 წევრი გაანადგურეს და 20 დაჭრეს. ამის შესახებ ადგილობრივ ხელისუფლებაზე დაყრდნობით ტელეარხი TOLO News იუწყება.
მისი ინფორმაციით, ორმხრივი სროლა ქუნარის პროვინციაში, ჩავკაის მახლობლად მოხდა.
„ისლამური სახელმწიფოს“ მებრძოლები უშიშროების ძალების საგუშაგოებს დაესხნენ თავს. შეტაკებებს 3 პოლიციელი ემსხვერპლა და 13 დაიჭრა.
ტელეარხის ინფორმაციით, შეტაკებები ჩავკაიში ამ დრომდე გრძელდება.