თიანეთში საკრებულოს სხდომა ხმაურით მიმდინარეობს

თიანეთში საკრებულოს სხდომა ხმაურით მიმდინარეობს. თიანეთის მოსახლეობის ნაწილი საკრებულოს სხდომაზე დასწრებას მოითხოვს. კერძოდ, მოსახლეობა ითხოვს საკრებულოს სხდომის ისეთ დარბაზში ჩატარებას, სადაც მათაც ექნებათ დასწრების საშუალება, რათა მოისმინონ ის საკითხები, თუ რატომ არ დაუჭირა საკრებულოს უმრავლესობამ თიანეთის მერის თამაზ მეჭიაურის მიერ წარდგენილი ბიუჯეტის პროექტს მხარი.

თიანეთის საკრებულომ ბიუჯეტის პროექტი ორჯერ დაიწუნა. თიანეთის საკრებულოს თავმჯდომარის განმარტებით, იმ ფონზე როდესაც ვერ ხერხდება თანხების უქონლობის გამო საბავშვო ბაღებში კვების თანხების უზრუნველყოფა, მერიის თანამშრომლებს თანამდებობრივი სარგოები არ უნდა გაეზარდოთ.

”დღევანდელს სხდომაზე განსახილველი გვაქვს სამი საკითხი. ერთი-ერთია მერიის საშტატო ნუსხა და თანამდებობრივი სარგოები, ჩვენ ამას არ ვუჭერთ მხარს იმ ფონზე, რომ ბიუჯეტში ვერ ხერხდება თანხების უქონლობის გამო ელემენტარულად საბავშვო ბაღებში კვების თანხების უზრუნველყოფას”, - განაცხადა თიანეთის საკრებულოს თავმჯდომარემ გიორგი წოწკოლაურმა.

თავის მხრივ, თიანეთის მერი თამაზ მეჭიაური ბიუჯეტის პროექტის დაწუნებას პოლიტიკურ ჭრილში განიხილავს და აცხადებს, რომ ბიუჯეტი მისი წინამორბედის მიერ არის შედგენილი.

”ორივეჯერ პოლიტიკური ნიშნით იყო ჩაგდებული ბიუჯეტი, რამეთუ ეს პროექტი, რომელიც წარდგენილი გვქონდა საკრებულოსთვის, შედგენილი იყო ჩემი წინამორბედის, ანუ ”ქართული ოცნების” ხელისუფლების წარმომადგენლის მიერ. მე არც კი მქონია დრო, რომ გავცნობოდი ბიუჯეტს, ანუ 13 რიცხვში შევუდექი მოვალეობის შესრულებას და სულ ერთი დღე იყო იმისთვის, რომ არ დარღვეულიყო ვადა და დროულად გადაგზავნილიყო საკრებულოში ბიუჯეტი. მათ, მიუხედავად იმისა, რომ თავისი შედგენილი იყო, ბიუჯეტი მაინც ჩააგდეს”, - განაცხადა თამაზ მეჭიაურმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან