ოთარ აბესაძე საავადმყოფოდან სასჯელაღსრულების დაწესებულებაში დააბრუნეს

ქრთამის აღებაში ბრალდებული ოთარ აბესაძე საავადმყოფოდან კვლავ სასჯელაღსრულების დაწესებულებაში გადაიყვანეს.

როგორც ”ინტერპრესნიუსს” მისმა ადვოკატმა, ირმა ჭკადუამ განუცხადა, აბესაძის ჯანმრთელობის მდგომარეობის შესახებ დასკვნა, სავარაუდოდ, მომავალ კვირაში გახდება ცნობილი.

”კლინიკიდან კვლავ საპყრობილეში დააბრუნეს. დამატებითი გამოკვლევები უნდა ჩაუტარდეს, თუმცა ჯერ არ ვიცით, სად და როგორ. ახლა ნორმალურად არ გრძნობს თავს. ბატონმა გეჯაძემ თქვა, რომ აღმოჩენილია რაღაცა დაავადებები, რაც იწვევდა ბოლო პრობლემებს. ვიდრე საბოლოო დასკვნა არ იქნება, იქამდე მეტს ვერაფერს გეტყვით, კვირის დასაწყისში ან კვირის ბოლოს ეს დასკვნა უნდა იყოს”, - განაცხადა ადვოკატმა.

შეგახსენებთ, რომ მერიის ყოფილი თანამშრომელი ოთარ აბესაძე ქრთამის აღების ბრალდებით სუს-მა დააკავა. გამოძიების თანახმად, აბესაძემ მდინარე მტკვარზე, გარკვეული კონსტრუქციის აშენებისთვის საჭირო ნებართვის მისაღებად და ნებართვის მიღებამდე მშენებლობის წარმოების მფარველობის სანაცვლოდ მოქალაქეს 3 ათასი დოლარი ქრთამის სახით გამოართვა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა