პროკურორი - გამოძიებას აქვს ინფორმაცია, რომ საედი დუდაევი სინამდვილეში შოაიფ ბორზიევია, თუმცა პიროვნების იდენტიფიკაციის კუთხით მოქმედებები გრძელდება

ტერორიზმის მხარდაჭერის საქმის პროკურორის ნანა ხუნჯუას ინფორმაციით, გამოძიებას ჯერ საბოლოოდ არ ყავს იდენტიფიცირებული თბილისში, ბერი გაბრიელ სალოსის გამზირზე დაკავებული პირი. როგორც პროკურორმა აღნიშნა, ამ ეტაპზე, 22 ნოემბრის სპეცოპერაციის შედეგად დაკავებული პირი საქმეში საედი დუდაევის სახელით ფიგურირებს, თუმცა გამოძიებას აქვს ინფორმაცია, რომ ბრალდებული, შესაძლოა, შოაიფ ბორზიევია.

"გამოძიებაში მოპოვებულია ინფორმაცია, რომ საედი დუდაევი სინამდვილეში არის შოაიფ ბორზიევი, თუმცა პიროვნების იდენტიფიკაციის კუთხით გრძელდება საგამოძიებო მოქმედებები, რომლის ამოწურვის შემდგომ მიღებული იქნება გადაწყვეტილება პიროვნებად ცნობის შესახებ", - განაცხადა პროკურორმა.

მან ასევე განმარტა, თუ რატომ ითხოვს პროკურატურა ამ საქმეზე წინასასამართლო სხდომის ვადის გაგრძელება.

"საქმე გახლავთ ძალიან რთული, ძალიან მოცულობითი. მიმდინარეობს ინტენსიურ რეჟიმში გამოძიება და სწორედ საქმის სირთულიდან და მასშტაბურობიდან გამომდინარე, გამოძიებისთვის მოცემული ვადა არაა საკმარისი, რის გამოც მივმართეთ სასამართლოს წინასასამართლო სხდომის თარიღის გადაწევის შუამდგომლობით", - განაცხადა ნანა ხუნჯუამ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს