სტრუქტურული ცვლილებები მერიის მენეჯმენტს უფრო ეფექტურს გახდის, - ამის შესახებ დედაქალაქის საკრებულოს თავმჯდომარემ გიორგი ტყემალაძემ ჟურნალისტებს განუცხადა. მისი თქმით, ცვლილებებს საკრებულოს სხდომაზე ხვალ განიხილავენ.
”ამ სტრუქტურული ცვლილებების განხილვა დღეს დაიწყება კომისიებში, ხოლო ხვალ მოხდება საკრებულოს სხდომაზე განხილვა. საკმაოდ საინტერესო სტრუქტურაა, რომელიც დარწმუნებული ვარ, უფრო ეფექტურს გახდის მერიის მენეჯმენტს და ჩვენ, რა თქმა უნდა, მხარს დავუჭერთ”, - განაცხადა ტყემალაძემ.
დღეს, „რედისონ ბლუ ივერიაში“ მერიის სტრუქტურული რეფორმის პრეზენტაცია გაიმართა.