ქვემო ქართლის პოლიციის სამმართველოში ე.წ. სტამბოლის ბაზრობის თანამშრომლების დაკითხვა მიმდინარეობს

რუსთავში, ქვემო ქართლის პოლიციის სამმართველოში, ე.წ. სტამბოლის ბაზრობის თანამშრომლების დაკითხვა მიმდინარეობს.

ასევე, პოლიციაში წუხელ გვიან ღამემდე მიმდინარეობდა ბაზრობის ადმინისტრაციისა და იმ პირთა დაკითხვა, ვინც მოკლული სამსონ (სოსო) ქუთათელაძე გუშინ ბაზრობის ტერიტორიაზე ბოლოს ნახა. დაკითხვაზე ამ დრომდე იმყოფებიან ბაზრობის ტერიტორიაზე არსებული ორი მეორედი ტანსაცმლის მაღაზიის გამყიდველები.

ამის პარალელურად, სამართალდამცავები ბაზრობის ტერიტორიაზე მოვაჭრეების გამოკითხვას აწარმოებენ.

ბაზრობის დარაჯის განცხადებით, სამსონ ქუთათელაძე ბაზრობის ტერიტორიაზე გუშინ, დაახლოებით 13:00 საათზე, საკუთარი ავტომობილით შევიდა, 17:00 საათისთვის კი მისი გარდაცვალების შესახებ გაიგეს.

სამსონ ქუთათელაზე შპს ,,ერთობის", ე.წ. სტამბოლის ბაზრობის 29%-იანი წილის მფლობელი იყო. 28 % ისრაელის მოქალაქე უზი ნონის, 28%-ი კი, ასევე ისრაელის მოქალაქე შატო შათაშვილს ეკუთვნის.

ყოფილი პარლამენტარი, გენერალი სამსონ ქუთათელაძე გუშინ, შპს ,,ერთობის" ადმინისტრაციულ შენობაში ცეცხლსასროლი იარაღიდან გასროლით მოკლეს. არსებული ინფორმაციით, მას ექვსი ჭრილობა აქვს მიყენებული, აქედან 5 გულ-მკერდისა და მუცლის არეში, ერთი კი თავში. ბაზრობის მოვაჭრეები და ახლომდებარე ობიექტების თანამშრომლები „ინტერპრესნიუსთან" საუბარში აცხადებენ, რომ გასროლის ხმა არ გაუგიათ, რაც იმის თქმის საფუძველს აძლევთ, რომ ქუთათელაძე მაყუჩიანი იარაღიდან არის მოკლული.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს