რუსეთის ფედერაციის მიმართ ახალი სანქციების შესახებ აშშ-ის მოხსენება 29 იანვრისთვის მომზადდება, თუმცა ჯერ ადრეა იმაზე საუბარი, რამდენ ადამიანს შეეხება ახალი სანქციები, - ამის შესახებ რუსულ სააგენტო ТАСС-ს რუსეთში ამერიკის შეერთებული შტატაბის ელჩმა ჯონ ჰანტსმანმა განუცხადა.

„29 იანვრისთვის მომზადდება მოხსენება რუსეთის იმ მოქალაქეების შესახებ, ვინც სანქციებს დაექვემდებარებიან. კანონის ამ ნაწილზე ძალიან აქტიური მუშაობა მიმდინარეობს“, - განაცხადა ჰანტსმანმა და აღნიშნა, რომ ჯერ ადრეა იმ ადამიანების რაოდენობაზე საუბარი, რომლებიც ამ სიაში მოხვდებიან.

ჰანტსმანის თქმით, მოხსენებაზე მუშაობისას ითვალისწინებენ, თუ როგორ აისახება ახალი სანქციები რუსულ-ამერიკულ ურთიერთობებზე როგორც მოკლევადიან, ისე გრძელვადიან პერსპექტივაში.