საქართველო-უზბეკეთს შორის შესაძლოა პირდაპირი ფრენები დაინიშნოს

საქართველო-უზბეკეთს შორის შესაძლოა პირდაპირი ფრენები დაინიშნოს, - აღნიშნული საკითხი გუშინ საქართველოს პარლამენტის თავმჯდომარემ, ირაკლი კობახიძემ და უზბეკეთის რესპუბლიკის პრემიერ-მინისტრმა, აბდულა არიპოვმა ტაშკენტში გამართულ შეხვედრაზე განიხილეს.

როგორც ”ინტერპრესნიუსს” პარლამენტის პრესსამსახურიდან აცნობეს, საქართველოს პარლამენტის თავმჯდომარის უზბეკეთში ოფიციალური ვიზიტის ფარგლებში გამართულ შეხვედრაზე საუბარი ორ ქვეყანას შორის პოლიტიკური და ეკონომიკური ურთიერთობების მთავარ საკითხებს შეეხო.

მხარეებმა ყურადღება სავაჭრო-ეკონომიკური თანამშრომლობაზე და ამ მიმართულებით არსებულ პოტენციალზე გაამახვილეს. ისაუბრეს, ასევე ახალი აბრეშუმის გზის პროექტზე. აღინიშნა, რომ პროექტში მონაწილეობა სასარგებლო იქნება მასში ჩართული ქვეყნებისთვის.

საქართველოს პარლამენტის თავმჯდომარე ირაკლი კობახიძე უზბეკეთის რესპუბლიკის პრემიერ-მინისტრს ქვეყანაში არსებულ ეკონომიკურ მდგომარეობასა და მიღწეულ პროგრესზე ესაუბრა.

საქართველოს პარლამენტის დელეგაციაში დეპუტატები: ზვიად ძიძიგური, სიმონ ნოზაძე, კახა ოქრიაშვილი, ენზელ მკოიანი, ლევან ბეჟანიძე, ბექა ოდიშარია და საქართველოს პარლამენტის თავმჯდომარის კაბინეტის უფროსი, ნიკოლოზ სამხარაძე შედიან.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 23.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
„პროკრედიტ ბანკი“ მომხმარებლებს ელექტრო მანქანის შესაძენად დაფინანსების ახალ შესაძლებლობას სთავაზობს
საქართველოში პირველად, უძრავი ქონების სკოლა Reschool გაიხსნება
კრისტალის საჭადრაკო ბლიც-თამაში "ყველა ქალი ჩემპიონია"
სასტუმრო „რადისონ ბლუ ივერიამ“ 10 წლის იუბილე აღნიშნა