დავით რაქვიაშვილი - რეზერვის ახალი კონცეფცია თავდაცვისუნარიანობის ასამაღლებლად წინგადაგმული ნაბიჯია
უშიშროების საბჭოს მდივნის, დავით რაქვიაშვილის შეფასებით, რეზერვის ახალი კონცეფცია თავდაცვისუნარიანობის ასამაღლებლად წინგადაგმული ნაბიჯია და ქვეყანას პოზიტიურ შედეგებს მოუტანს.
როგორც რაქვიაშვილმა „ინტერპრესნიუსს“ განუცხადა, საქართველოს პრეზიდენტი, ისევე როგორც უშიშროების საბჭოს აპარატი, ჩართული იყო კონცეფციის ირგვლივ მიმდინარე განხილვებში.
„თავდაცვის მინისტრმა და გენერალური შტაბის უფროსმა, რომელიც ამავდროულად არის პრეზიდენტის სამხედრო მრჩეველი, ადრეულ ეტაპზე წარუდგინეს ეს ხედვა პრეზიდენტს. პრეზიდენტი ჩართული იყო ამ პროცესში და აკვირდებოდა ყურადღებით. შემდეგ უკვე შარშან საბჭოს სხდომებზე ასევე ხდებოდა კონცეპტუალური საკითხების განხილვა და დეტალებთან მიმართებაშიც. პრეზიდენტმა მხარი დაუჭირა ამ კონცეფციას, პარლამენტის ტრიბუნიდან მის მიმართვაშიც აღნიშნა და შეაფასა, როგორც წინაგადადგმული ნაბიჯი. როგორც ვიცით, პირველად მოხდება საპილოტე რეჟიმში ამ კონცეფციით რეზერვში გაწვევა. ჩვენ ცხადია, ყურადღებით დავაკვირდებით ამ პროცესს. მთლიანობაში მიგვაჩნია, რომ ეს არის ქვეყნის თავდაცვისუნარიანობისთვის წინგადადგმული ნაბჯი. ასევე ძალიან მნიშვნელოვანია, რომ ეს ეხმიანება ხედვას, რომელსაც საქართველოს პრეზიდენტი 2017 წლიდან აჟღერებს - ერთიან ეროვნული მიდგომას უსაფრთხოებასთან დაკავშირებით“, - განაცხადა რაქვიაშვილმა.
თავდაცვის სამინისტრო რეზერვისა და მობილიზაციის ახალ კონცეფციის თანახმად, შეიქმნება ორი ტიპის რეზერვი: აქტიური რეზერვი და სამობილიზაციო რეზერვი.
v-if="article.gallery" v-html="article.gallery"
