ალბანეთის დედაქალაქ ტირანაში ანტისამთავრობო საპროტესტო აქციაზე ათასობით ადამიანი გამოვიდა. ისინი მთავრობას ნარკოტიკებით ვაჭრობასთან არასათანადო ბრძოლაში და კორუფციაში ადანაშაულებენ.

ალბანეთის დემოკრატიული პარტიის თავმჯდომარე ლულზიმ ბაშამ ქვეყნის პრემიერ-მინისტრის ედი რამას გადაყენება და ახალი არჩევნების დანიშვნა მოითხოვა.

„რამამ ალბანეთი ორგანიზებული დანაშაულისა და ნარკოტიკების სამშობლოდ აქცია“, - განაცხადა ბაშამ.

მედიის ინფორმაციით, დემონსტრაციაზე ათი ათასზე მეტი ადამიანი გამოვიდა. პროტესტის ორგანიზატორები 300 ათას მომიტინგეზე საუბრობენ, პოლიცია კი დემონსტრანტების რიცხვის დასახელებისგან თავს იკავებს.