უფასო წვდომა მსოფლიოს საუკეთესო დეველოპერულ ინსტრუმენტებთან ერთ სივრცეში, სწავლის პროცესში მიღებული პრაქტიკული გამოცდილება და 1500 აშშ დოლარამდე ღირებულების სასაჩუქრე ვაუჩერი - ამ საჩუქარს ბიზნესისა და ტექნოლოგიების უნივერსიტეტი ყველა სტუდენტს აშშ-ში დაფუძნებულ საერთაშორისო ორგანიზაცია GitHub-თან პარტნიორობის ფარგლებში გადასცემს.

ბიზნესისა და ტექნოლოგიების უნივერსიტეტის წარმომადგენლების განმარტებით, როგორც წესი, დეველოპერებისთვის საჭირო რესურსები ძვირადღირებული და რთულად მოსაპოვებელია. სწორედ ამიტომ აღნიშნულ საჩუქარს დიდი მნიშვნელობა აქვს.

სასწავლო და სატრენინგო მასალები, წვდომა ღრუბლოვან აპლიკაციებსა და ღრუბლოვანი ინფრასტრუქტურის მონიტორინგი, მონაცემთა ანალიზისა და ვიზუალიზაციის ბაზები და სხვა მრავალი შესაძლებლობა იმ დეველოპერულ პაკეტში შედის, რომლის ჯამური ღირებულებაც 3მლნ აშშ დოლარს აჭარბებს. აღნიშნული დეველოპერული პაკეტი უმნიშვნელოვანესია სწავლის პროცესში. GitHub არის პროგრამისტებისთვის ძალიან სასარგებლო და საჭირო სისტემა, სადაც ხდება პროგრამაზე ჯგუფურად მუშაობისას კოდის ცალკეული ნაწილების ატვირთვა და ვერსიების კონტოლი. მასში შემავალი ცალკეული პროდუქტების ღირებულება ძალიან მაღალია. საუბარია Microsoft, Atom, Digital Ocean, Amazon Cloud და სხვა პროგრამული უზრუნველყოფის მსოფლიოს მოწინავე პროვაიდერებზე, რომელიც ერთიანი სასაჩუქრე ვაუჩერის ფორმატში ჩვენ სტუდენტებს გადაეცემათ. ამ შესაძლებლობებით მათი ცოდნის ხარისხი და პროფესიონალიზმის დონე მნიშვნელოვნად გაიზრდება და გადხის მათ კონკურენტულს არა მხოლოდ ადგილობრივ, არამედ გლობალურ შრომის ბაზრებზეც’’ - აცხადებენ ბიზნესისა და ტექნოლოგიების უნივერსიტეტის წარმომადგენლები.