ბაგა-ბაღ „იმედის” სამ აღსაზრდელს გადასხმა უტარდება

თბილისის ბაგა-ბაღ „იმედის” სამ აღსაზრდელს გადასხმა უტარდება. პედიატრ თამარ გაბრიჩიძის ინფორმაციით, ბავშვების დახმარება ინფუზიის მიმართულებით მიმდინარეობს. მისივე ინფორმაციით, პაციენტებს პირღებინება აღენიშნებოდათ. პედიატრი ვერ აკონკრეტებს, რას შეიძლება გამოეწვია ბავშვების ინტოქსიკაცია.

„მოიყვანეს საბავშვო ბაღიდან სასწრაფო გადაუდებელი დახმარებით. დიაგნოზი იყო გულისრევა და პირღებინება. დახმარება მიდის ინფუზიის მიმართულებით, უტარდებათ გადასხმა. გაკეთებულია სისხლის საერთო ანალიზი, მაგრამ იმის დიაგნოსტირება, რომ ეს არის კვებითი ფაქტორი, რომ ეს იყო ბანანიდან გამოწვეული, ამას ჩვენ ვერ ვადასტურებთ“, - განაცხადა თამარ გაბრიჩიძემ.

თბილისის ბაგა-ბაღ „იმედის” სამი აღსაზრდელი კლინიკაში პირღებინებისა და ზოგადი სისუსტის ნიშნებით, კლინიკაში გადაიყვანეს. სავარაუდოდ, ბავშვების ინტოქსიკაციის მიზეზი საკვები გახდა. ფქტზე მიმდინარეობს შესაბამისი მოკვლევა, მათ შორის საკვების საექსპერტო შემოწმება.