იმერეთში, სახელმწიფო რწმუნებულის ადმინისტრაციაში, სოფლის განვითარების სტრატეგიაზე იმსჯელეს. პროექტს ახალგაზრდა ეკონომისტთა ასოციაცია გაერო-ს განვითარების პროგრამის (UNDP) „სოფლის განვითარების მხარდაჭერა საქართველოში" ფარგლებში ახორციელებს.

პროექტის „სოფლის განვითარების ხელშეწყობა საქართველოს რეგიონებში" მიზანს საქართველოს რეგიონებში სოფლის განვითარების მიმართულებით არსებული მდგომარეობის ანალიზი და ძირითადი გამოწვევების გამოვლენა წარმოადგენს. იმერეთის გუბერნატორის მოადგილის იოსებ ხახალეიშვილის განცხადებით, იმერეთის რეგიონში სოფლის განვითარებასთან დაკავშირებულ პრობლემებსა და საჭიროებებზე ძირითადი პრიორიტეტები გამოვლინდა, რომლის შემდეგ პრაქტიკული სამუშაოების ჩატარება იგეგმება.