პოლიციის განყოფილებაში მეტროსადგურ ”ვარკეთილში” მომხდართან დაკავშირებით, კომპანია „ყვარელრემშენის“ ხელმძღვანელი პირები დაკითხეს
ვარკეთილის პოლიციის განყოფილებაში, გუშინ კომპანია „ყვარელრემშენის“ ხელმძღვანელი პირები დაიკითხნენ. როგორც კომპანიის წარმომადგენლების ადვოკატმა კახა წერეთელმა განაცხადა, კითხვები შეეხებოდა მეტროსადგურ „ვარკეთილში“ შესრულებული სამუშაოს ხარისხსა და მის კონტროლს.
„ლოგიკური შეკითხვები იყო, რა შეკითხვებიც უნდა გაჟღერებულიყო. საქმე ეხება უსაფრთხოების ნორმების დაცვას, შესრულებული სამუშაოს ხარისხს და კონტროლს. ჩვენ ყველა შეკითხვაზე ამომწურავად გავეცით პასუხი. გარკვეული საბუთების წარმოდგენა გვთხოვეს. ელოდებიან ექსპერტიზის შედეგებს, ჯერ უნდა გახდეს ცალსახად ცნობილი თუ რა მოხდა რეალურად. ვიცით შედეგი, რომ ჭერი ჩამოინგრა, მაგრამ რამ გამოიწვია, ამასთან დაკავშირებით, კიდევ იქნება ალბათ დამატებითი კითხვები და მზად ვართ ამისთვის“, - განაცხადა კახა წერეთელმა.
v-if="article.gallery" v-html="article.gallery"
