ირაკლი შიხიაშვილი - 10 თვის წინ გამოჩნდა ადამიანი, რომელიც დოდო გუგეშაშვილს დიდი ოდენობით ქარვის აეროპორტამდე უსაფრთხოდ მიტანაში დახმარებას სთხოვდა
ამ ეტაპზე ცნობილია ის, რომ 10 თვის წინ გამოჩნდა ადამიანი, რომელმაც თითქოსდა ბიზნესში დახმარების მიზნით დაამყარა დოდო გუგეშაშვილთან ურთიერთობა, თუმცა ვინ იყო ეს პირი, არ ვიცით, - ამის შესახებ ვეტერანთა კავშირის ყოფილმა თავმჯდომარემ ირაკლი შიხიაშვილმა ჟურნალისტებთან საუბრისას განაცხადა.
მისი თქმით, აღნიშნული პირი დოდო გუგეშაშვილს გაეცნო როგორც ომის ვეტერანი და ამგვარად მოიპოვა დოდო გუგეშაშვილის ნდობა.
„ცნობილია ის, რომ 10 თვის წინ გამოჩნდა ადამიანი, რომელმაც თითქოსდა ბიზნესში დახმარების მიზნით მოახერხა და დაამყარა დოდო გუგეშაშვილთან ურთიერთობა. როგორც ვიცით, ეს პირი სთხოვდა დოდო გუგეშაშვილს, რათა დახმარებოდა და დიდი ოდენობით შეძენილი ქარვა უსაფრთხოდ მიეტანა აეროპორტამდე. ისიც ვიცით, რომ დოდო გუგეშაშვილს გაეცნო როგორც ომის ვეტერანი. იმედი გვაქვს, რომ როდესაც დოდო გუგეშაშვილი მდგომარეობიდან გამოვა, შეძლებს და გაიხსენებს რაიმე მნიშვნელოვან დეტალს, რაც გამოძიებისთვის ხელჩასაჭიდი იქნება“, - განაცხადა ირაკლი შიხიაშვილმა.
v-if="article.gallery" v-html="article.gallery"
