მუსტაფა ემრე ჩაბუქი - იმედი მაქვს, საქართველოს სასამართლო არ მიიღებს ჩემი ექსტრადირების გადაწყვეტილებას

იმედი მაქვს, საქართველოს სასამართლო არ მიიღებს ჩემი ექსტრადირების გადაწყვეტილებას, - ამის შესახებ დემირელის კოლეჯის მენეჯერმა მუსტაფა ემრე ჩაბუქმა ჟურნალისტებს განუცხადა.

ჩაბუქის განცხადებით, მას სჯერა, რომ საქართველო არის დემოკრატიული და თავისუფალი ქვეყანა და თავის გადაწყვეტილებაშიც იქნება თავისუფალი.

მუსტაფა ემრე ჩაბუქმა Amnesty International-ს, სახალხო დამცველის აპარატსა და საერთაშორისო ორგანიზაციებს მადლობა გადაუხადა მხარდაჭერისთვის.

ჩაბუქი დღეს Amnesty International-ის კვლევის პრეზენტაციას დაესწრო. აზერბაიჯანელ ჟურნალისტთან აფგან მუხთარლისთან ერთად, მისი საქმე ადამიანის უფლებების შესაძლო დარღვევის კატეგორიაში მოხვდა.

“Amnesty International არის ადამიანის უფლებების კუთხით ყველაზე ძლიერი საერთაშორისო ორგანიზაცია. მინდა მადლობა გადავუხადო, ამ ორგანიზაციის ხელმძღვანელს საქართველოში. ის ჩემი ძალიან დიდი მხარდამჭერი იყო სახალხო დამცველის აპარატთან და საერთაშორისო არასამთავრობო ორგანიზაციებთან ერთად. დაკავების პერიოდი დასრულდა, მაგრამ სასამართლო გრძელდება.

იმედი მაქვს, საქართველოს სასამართლო არ მიიღებს ჩემი ექსტრადირების გადაწყვეტილებას. მჯერა, რომ საქართველო არის დემოკრატიული და თავისუფალი ქვეყანა და თავის გადაწყვეტილებაშიც იქნება თავისუფალი”, - განაცხადა მუსტაფა ემრე ჩაბუქმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს