ავსტრალიის სასაზღვრო სამსახურმა 100 მილიონი დოლარის ღირებულების, მარკერებში დაფასოებული ეფედრინის დიდი პარტია ამოიღო, - წერს გაზეთი Sydney Morning Herald.

სტატიის თანახმად, ნარკოტიკების პარტიით დატვირთული გემი ჩინეთიდან სიდნეიში 10 თებერვალს შევიდა. მარკერების ყუთის რენტგენზე სკანირების შემდეგ სასაზღვრო სამსახურის თანამშრომლებმა გადაწყვიტეს, შემოწმება ნარკოტიკებზე ჩაეტარებინათ. შედეგი დადებითი იყო.

გამოცემის ცნობით, პარტია 300 კილოგრამ ნარკოტიკს შეიცავდა. პოლიციის განცხადებით, ამ რაოდენობის ეფედრინი დაახლოებით 2,4 მილიონ დოზას შეიცავს.